Իր ստեղծումէն…
1978-ին, Հայ Յեղափոխական Դաշնակցութեան 21-երորդ վեհաժողովը որոշեց զարգացնել Համազգայինի մշակութային եւ կրթական ցանցը, ստեղծելով ամենօրեայ դպրոցներ:
ՀՅԴ-ի գրասենեակի անդամներ՝ նախագահ Պարոն Հրայր Մարուխեան , Պարոն Բաբգէն Բաբազեան ու Պարոն Հրաչ Տասնապետեանը, ընտրեցին Ֆրանսայի Մարսէյ քաղաքը:
1979-ին, Պարոն Յակոբ Պալեան, քաղաքական կուսակցութեան եւ Համազգայինի անդամ, պաշտօն ունեցաւ որոշել Համազգային դպրոցի կառուցման պայմանները , շրջանը եւ վայրը: Այսպիսով կազմեցին կամաւորներու խումբ մը որպէսզի , այս լուրը տարածեն Մարսէյի բոլոր հայ ընտանիքներուն:
1980-ին, Համազգային դպրոցը հիմնուեցաւ ունենալով մանկապարտէզի բաժին մը 4 աշակերտներով , կիսաւեր շէնքի մը մէջ , ուր տարուէ տարի զարգացաւ , յառաջ գնաց եւ ունեցաւ բաւական թիւով աշակերտներ : 20 տարի ետք , փոխադրուեցան դէպի լուսաշող կառոյց , դպրոցի վարչութեան ժրաջան աշխատանքով :
1993-ին ,Համազգային վարժարանը դարձաւ Ֆրանսայի մէջ միակ հայ դպրոցը որ ունի մանկապարտէզէն մինչեւ երկրորդական բաժիններ , ուր աշակերտները կը ստանան պետական կրթական ծրագիր , բարձր ուսման մակարդակի վրայ , ապահովելով բարձր նիշեր :
Սեպտեմբեր 2015թ.,Համազգային դպրոցը իր շրջագիծը զարգացուց եւ ունեցաւ մշակութային եւ մարզական կեդրոն մը որ բացումը կատարեց մեծ շուքով :
… մինչեւ օրս՝
Համազգային դպրոցը միակ ամենօրեայ հայ դպրոցն է Ֆրանսայի մէջ որ , ուսում կը ջամբէ հայ աշակերտին , տալով մաքուր հայեցի դաստիարակութիւն մանկապարտէզէն մինչեւ երկրորդական բարձր դասարանները :
Այս տարի ( 2018-2019 ուսումնական տարեշրջանին), մեր դպրոցը ունի 387 աշակերտ:
Բոլոր դասարանները կը հետեւին պետութեան որոշած ուսման յատուկ կրթական ծրագրին , եւ կառավարական քննութիւններուն մասնակցելով , յաջողութեան տոկոսը 90% էն 100% ի միջեւ է :
Իւրաքանչիւր վերամուտին , կը կատարուի դրօշակներու արարողութիւն: Լրիւ աշակերտները կ՛երգեն Հայաստանի , Ֆրանսայի եւ Համազգայինի օրհներգները:
Արտադասարանային ծրագիրներ ալ կ՛ունենայ վարժարանս , աշակերտներուն տալով ուրախ եւ անմոռանալի ժամեր : Դպրոցին տնօրէնութեան որոշումով կը կազմակերպուին զանազան պտոյտներ :
Համազգայինը լոկ պարզ դպրոց մը չէ , այլ նաեւ ան մեծ ընտանիք մը կը համարուի , որովհետեւ կը ստեղծէ այնպիսի կապեր կամ յարաբերութիւններ , ըլլան անոնք ներկայի կամ նախկին սաներու միջեւ , եւ մտերմիկ պահեր ծնողքներու հետ , ունենալով մէկ նպատակ՝ կերտել հայ աշակերտը տիպար աննկուն կամքով դաստիարակուած , ազգասէր , որպէսզի ապագային անոնք ծառայեն նոյն ոգիով . Հայ ազգին ու Համազգային վարժարանին , բերելով բարձր պատիւ :
Մեր դասարաններուն նկարներուն արխիւները կը գտնուիմ ԱՐԱՄի հաւաքածոյ-ին մէջ։ Հետեւեցէք մեր գործունէութեան մեր կայքին, Ինսթակրամին եւ ֆէյսպուքի էջերուն ընդմէջէն, HAMASKAINE MARSEILLE, CPE HAMASKAINE.